АНХААРУУЛГА
Хэрэв танд дараах хүчин зүйлс байгаа бол Креданилыг хэрэглэхээс өмнө эмч эсвэл эм зүйчтэйгээ зөвлөлдөөрэй:
- Танд таталт үүсэж байсан өгүүлэмжтэй бол;
- Ходоод гэдэсний шарх (дээд гэдэсний эсвэл ходоодны шарх) үүссэн эсвэл цустай бөөлжиж байсан бол;
- Танд зүрхний шигдээс, зүрхний хэм алдагдал, цусны эргэлт эсвэл амьсгалын үйл ажиллагааны алдагдал үүсэж байсан бол;
- Бөөр, элэг эсвэл дааврын алдагдалтай байсан бол;
- Сэтгэл гутрал эсвэл бусад сэтгэцийн эмгэгтэй байсан бол;
- Танд архаг нээлттэй өнцөгт глаукома (нүдний даралт ихсэх эмгэг) байгаа бол; Нүдний даралтаа тогтмол хянах шаардлагатай.
- Танд гэнэт унтах дайралт эсвэл хэт их нойрмоглох мэдрэмж үе үе илэрдэг бол;
- Та мэс засалд орох товтой бол;
ГАЖ НӨЛӨӨ
Бусад эмийн нэгэн адил, энэ эм нь гаж нөлөө үүсгэж болзошгүй боловч хүн бүрд илрэхгүй.
Доорх шинж тэмдгүүд илэрвэл Креданилыг хэрэглэхээ зогсоож, нэн даруй эмчид хандаарай:
- Харшлын урвал: Урьдал шинжүүдэд тууралт (туурч, халуун оргих), загатнах, хавдах (нүүр, уруул, хэл, хоолой), амьсгалахад эсвэл залгихад хүндрэлтэй болох.
- Цээжээр өвдөх.
- Зүрхний хэм алдагдах, зүрх дэлсэх.
- Гэнэт босоход толгой эргэх.
- Ходоод гэдэснээс цус гарах (өтгөнд цус, эсвэл өтгөн хар бараан гарах).
- Цусны өөрчлөлт: арьс цонхийж цайх, ядрах, халууралт, хоолой өвдөх, жижиг хөхрөлт эсвэл гэмтлийн дараа цус тогтолт удаашрах.
- Булчин хөшиж, халуурах.
- Сэтгэцийн өөрчлөлтүүд: хий үзэгдэл, дэмийрэх, сэтгэл гутрал.
- Таталт.
НАЙРЛАГА
Леводопа 250 мг, Карбидопа 25мг
ХЭРЭГЛЭХ ЗААЛТ
Креданил нь Паркинсоны өвчний эмнэл зүйн шинж тэмдгийг сайжруулдаг. Паркинсоны өвчин нь удаан хугацаанд үргэлжлэх өвчин бөгөөд дараах шинж тэмдэг илэрч болно:
- Хөдөлгөөн удааширч, тэнцвэр алдагдах.
- Булчин хөшүүн болох.
- Чичрэх буюу салганах шинж тэмдэг (энэ нь “тремор” гэж нэрлэгддэг) илрэх.
Хэрэв эмчлүүлэхгүй бол Паркинсоны өвчин нь таны өдөр тутмын хэвийн үйл ажиллагаанд хүндрэл үүсгэж болзошгүй.Креданил нь хоёр идэвхтэй бодис болох леводопа болон карбидопа-г агуулдаг.
- Леводопа: Тархинд “допамин” хэмээх бодис болон хувирдаг. Допамин нь Паркинсоны өвчний эмнэлзүйн шинж тэмдгийг сайжруулахад тусалдаг.
- Карбидопа: Энэ нь “ароматик амин хүчлийн декарбоксилазыг дарангуйлагч” бүлгийн эмийн ангилалд багтдаг. Энэ нь леводопаг задрах хурдыг удаашруулснаар илүү үр дүнтэй үйлчлэхэд тусалдаг.
ТУН, ХЭРЭГЛЭХ АРГА
Эмч эсвэл эм зүйчийн зөвлөмжийн дагуу эмийг зөв хэрэглэнэ үү. Хэрэв та эргэлзэж байвал эмч эсвэл эм зүйчтэйгээ зөвлөлдөөрэй.
Эм хэрэглэх заавар:
- Энэ эмийг амаар ууж хэрэглэнэ.
- Эм хэрэглэснээс хойш хоногийн дотор эм үйлдэл эхлэх боловч, 7 хоног хүртэл хугацаа шаардагдаж болзошгүй.
- Эмийг эмчийн зааврын дагуу тогтсон цагийн хуваариар ууна.
- Эмээ уух цаг болон Паркинсоны өвчний бусад эм хэрэглэх цагийг эмчийн зөвшөөрөлгүй өөрчилж болохгүй.
- Эмийг хүнд хоолтой хамт уухаас зайлсхийхийг хичээгээрэй.
Хэрэглэх тун:Насанд хүрэгчид:
- Хэрэв та өмнө нь леводопа хэрэглэж байгаагүй бол: Эхлэх ердийн тун:
- Креданил 100 мг/10 мг: Нэг шахмалыг өдөрт 3-4 удаа.
- Креданил 100 мг/25 мг: Нэг шахмалыг өдөрт 3 удаа.
- Хэрэв та өмнө нь леводопа хэрэглэж байсан бол: Эмчийн зөвлөснөөр өмнөх эмчилгээгээ зогсоосны дараа Креданилыг эхлүүлнэ. Эхлэх ердийн тун:
- Креданил 250 мг/25 мг эсвэл Креданил 100 мг/25 мг: Нэг шахмалыг өдөрт 3-4 удаа.
- Креданил 100 мг/10 мг: Таны өмнө хэрэглэж байсан эмээс хамаарна.
ҮЙЛДВЭРЛЭГЧИЙН НЭР, УЛС
Ремедика ХХК, Кипр